Vorsteh.is

Sýningaþjálfanir DESÍ og Vorstehdeildar verða 14., 21. og 28. feb klukkan 19 í Gæludýr.is á Korputorgi.

Aðalfundur Vorstehdeildar verður haldinn miðvikudaginn 15.febrúar kl.20:00

Staðsetning: Skrifstofa HRFÍ, Síðumúla 15.

Dagskrá:

Venjuleg aðalfundastörf

Heiðrun stigahæstu hunda

Vekjum athygli á að þrjú sæti eru laus í stjórn.

Vorstehdeild heldur deildarfund í húsi HRFÍ Síðumúla 15 á miðvikudaginn 1.febrúar kl 20:00
Farið verður yfir dagskrá vetrarins , starf deildarinnar og önnur mál.
Allir velkomnir.
Stjórn Vorstehdeildar

Í ljósi þess að prófadagskráin í vor er þétt, jafnvel of þétt, og fyrirvarinn til að ná í eftirsótta dómara og góð flugverð orðinn of stuttur, og annara ástæðna, hefur stjórn Vorstehdeildar ákveðið að halda ekki vorpróf árið 2017. Ákveðið er að halda sem fyrr glæsilegt haustpróf 6-8. okt. og svo vorpróf á næsta ári. Það ætti að vera nægt framboð af prófum í vor samt sem áður. Nú er kominn tími til að koma hundunum í form og vera með í æfingagöngum og taka þátt 🙂

Tekið af síðu HRFÍ:
Fyrsta sýningahelgi ársins verður i byrjun mars n.k. og hefst hún á hvolpasýningu og keppni ungra sýnenda föstudagskvöldið 3. mars. Laugardaginn 4. mars og sunnudaginn 5. mars verður alþjóðleg sýning. Dómarar helgarinnar eru Attila Czeglédi (Ungverjaland), Carl Gunnar Stafberg (Svíþjóð), Hannele Jokisilta (Finnlandi),  Johnny Andersson (Svíþjóð) og Kitty Sjong (Danmörk).

​​Skráningafrestur á gjaldskrá 1 rennur út í lok dags þann 20. janúar n.k.  Þá er jafnframt lokadagur til að skila umskráningum og gotskráningum vegna hunda á sýningunum.

Skráningafrestur á gjaldskrá 2 rennur út í lok dags þann 3. febrúar n.k.

Sýningastjórn hefur ákveðið að nefna dómara fyrir nokkrar tegundir. Fyrirvari er gerður að því leyti, að forfallist dómari, eru aðrir auglýstir dómarar til vara, auk þess sem sýningastjórn HRFÍ áskilur sér rétt til að fjölga dómurum, einnig til vara, ef fjöldi skráðra hunda gerir það nauðsynlegt.

Tegundahópar munu skiptast eftirfarandi:
Laugardagur 4. mars: 1, 2, 3, 4/6, 7 og 10
Sunnudagur 5. mars: 5, 8 og 9

Tegundahópur 7:
Enskur setter: Hannele Jokisilta
Gordon setter: Hannele Jokisilta
Írskur setter: Hannele Jokisilta
Ungversk vizla, snöggh.: Hannele Jokisilta
Vorsteh (báðar feldgerðir): Hannele Jokisilta
Weimaraner, snöggh.: Hannele Jokisilta

Bergþór S. Antonsson sendi stjórn bréf og myndir varðandi þáttöku hans og Fjallatinds Stíg á Heimsmeistarmótinu fyrir standandi fulgahunda og Sct. Huberts Cup.

Komið þið sæl og blessuð.                                              

Undirritaður tók þátt í heimsmeistarkeppni standandi fuglahunda WORLD CHAMPIONSHIP FOR POINTING DOG  & SCT. HUBERTUS CUP sem haldin var í Danmörku dagana 19-21 oktober 2016. Þátttaka mín hefði ekki verið möguleg nema með ykkar hjálp og langar mig að þakka kærlega eftirfarandi aðilum fyrir að mín þátttaka varð að veruleika.

Vorstehdeild HRFI á Íslandi sem var mér innanhandar og aðstoðuðu mig eftir fremsta megni svo allt færi eftir settum reglum og boðleiðum.

Stjórn HRFI sem samþykkti mig sem fulltrúa fyrir Íslands hönd í keppninni.

Versluninni Bendir sem var sponsor minn í keppninni.

Og svo ber mér að sjálfsögðu að minnast á þakkir til danska kennelklúbbsins sem héldu stórglæsilegt mót og tóku virkilega vel á móti mér. Það var gaman að finna hvað ég var velkominn en þeir leggja mikið í að taka vel á móti nýliðum.

Var mér færð gjöf af tilefninu sem ég hyggst áframsenda á Vorstehdeild HRFI. Finnst hún eiga heima í þeirri deild.

En í stuttu máli var þetta rosalega gaman og lærdómsríkt. Þarna öðlaðist ég reynslu sem vonandi á eftir að nýtast í framtíðinni hvort heldur mér eða öðrum. Ég var stoltur keppandi fyrir Íslands hönd og því mun ég aldrei gleyma.

Það er aldrei að vita nema ég skrifi fljótlega um reynslu mína af þessu móti en það gæti verið gaman fyrir áhugasama að lesa um.

Kærar þakkir öll

Kær kveðja frá Noregi

Bergþór S Antonsson

Þá er búið að taka saman stigin í stigakeppni Vorstehdeildar
Í Keppnsiflokk sigraði Heiðnabergs Bylur von Greif með 32 stig
Við óskum Jóni Garðari til hamingju með glæsilegan árangur.
Í Opnum flokk gerðist það að þrír hundar voru jafnir í fyrsta sæti með 14 stig. Það voru Bendishunda Saga (Þoka) , Ice Artemis Blökk, og Heiðnabergs Gleipnir von Greif sem deila með sér fyrsta sætinu eftir mikla baráttu.
Við óskum Guðmundi, Björgvini og Jóni Svan til hamingju.
Í Unghundaflokk var það Veiðimela Karri sem sigraði með 14 stig,
og við óskum Pétri Alan til hamingju með árangurinn.

Stöðuna má sjá nánar hér

Verðlaun verða veitt á aðalfundi deildarinnar.

Vorsteh átti tvo fulltrúa á sýningu HRFÍ 12.11.2016

Bendishunda Saga (Þoka) var valinn besta tík tegundar og besti hundur tegundar og fór því áfram í úrslit grúppu fyrir hönd Vorsteh hunda.

Þoka fékk dómana Excelent, BOB, CACIB og Íslenskt meistarastig.

Bendisprófi Vorstehdeildar lauk í gær sunnudag með keppnisflokki.

Prófið var sett á föstudaginn kl. 9:00 í Sólheimakoti. Sjö hundar voru mættir til leiks í opnum flokki á föstudeginum. Mikið var af fugli og mikið af tækifærum fyrir hundana.

Bendishunda Saga (Þoka) og eigandi hennar Guðmundur Pétursson lönduðu 1. einkunn.

Frá vinstri: Einar með Caztro, Øivind, Hannu, Guðmundur með Þoku og Einar Örn með Kröflu

Veiðimela Krafla og eigandi hennar Einar Örn fengu 3. einkunn.

Hafrafells Zuper Caztro og eigandi hans Einar Guðnason fengu 3. einkunn.

Á laugardeginum var prófið sett suður með sjó. Nánar tiltekið á Dunkin Donuts. Sex hundar voru skráðir í opinn flokk á laugardeginum. Sama var upp á teningnum á laugardeginum, fullt var af fugli og tækifærin voru næg. Dagurinn endaði þannig að Bendishunda Saga (Þoka) og Guðmundur Pétursson endurtóku leikinn frá föstudeginum og nældu sér aftur í 1. einkunn. Glæsilegt það!

Guðmundur sendir Bendishunda Sögu (Þoku) í sókn

Dómararnir Øivind frá Noregi og Hannu frá Finnlandi

Annar prófstjórinn Lárus Eggertsson með hundi sínum Ice Artemis Mjölni

Keppnisflokkur var settur í Sólheimakoti í gær sunnudag og alls mættu sjö hundar til keppni. Keppnin hófst svo í Laxnesi og veðrið var ekki eins gott og fyrstu tvo dagana. Dagurinn endaði svo að Bendishunda Saga (Þoka) kláraði helgina með stæl. Hún tók fyrsta sætið í keppnisflokki með meistarastigi og eini hundur sem náði sæti.

Bendishunda Saga (Þoka) með dómurum og eiganda

Hafrafells Zuper Caztro og Einar Guðnason. Caztro landaði 3. einkunn á föstudeginum

Veiðimela Krafla og Einar Örn með 3. einkunn á föstudeginum

Létt yfir þeim Heiðnabergs Gleipni von Greif og Jóni Svan Grétarssyni

Díana Sigurfinnsdóttir var hinn prófstjórinn. Eiga hún og Lárus innilegar þakkir skilið fyrir þeirra framlag!

Bendishunda Fróni og Birgir Örn

Hópurinn sem mætti suður með sjó á laugardeginum

Guðjón, Jón Hákon og Guðmundur. Guðjón Arinbjörnsson var fulltrúi HRFÍ. Guðjóni er vert að þakka innilega fyrir hans hjálp í prófum okkar á þessu ári

Við þökkum öllum þeim sem tóku þátt í Bendisprófinu. Þetta var drengilegt í alla staði og þannig eiga próf og keppnir einmitt að vera. Frábærir hundar og félagsandinn ekki síðri.

Almenn ánægja var með happdrættið og það er komið til að vera í prófum deildarinnar.

Eydís Gréta Guðbrandsdóttir og Kjartan Antonsson eiga hrós skilið fyrir lýsingarnar alla dagana sem og myndirnar.

Dómararnir Øivind Skurdal og Hannu M. Liedes fá þakkir fyrir þeirra störf.

Okkar styrktaraðilar! Hvað er hægt að segja en að án ykkar stuðnings væri þetta ógerlegt. Bendir sérverslun fyrir allt sem okkur vantar fyrir besta vininn, Málning ehf. sem á alla regnbogans liti þegar við viljum hressa upp á eignina okkar, Famous Grouse umboðsaðili hins frábæra eðals viskí, Bío Bú sem framleiðir lífrænt ræktaðar mjólkurvörur og Fresco sem býður upp á salatrétti þar sem gestir ráða ferðinni hvað þeir vilja í salatið.

Að lokum viljum við enn og aftur þakka þeim Guðjóni Arinbjarnarsyni, Lárusi Eggertssyni og Díönu Sigurfinnsdóttur fyrir þeirra einstaka framlag um liðna helgi.

Við óskum öllum ánægjulegrar rjúpnavertíðar og við sjáumst hress í prófum á nýju ári!

Stjórn Vorstehdeildar HRFÍ