Vorsteh.is

Frá og með 1. janúar 2021 verða eftirfarandi skilyrði fyrir ræktun Vorsteh hunda og skulu niðurstöður vera ljósar fyrir pörun:

GERMAN SHORTHAIRED POINTING DOG

Undaneldisdýr skulu mjaðmamynduð. *(2)

GERMAN WIREHAIRED POINTING DOG

Undaneldisdýr skulu mjaðmamynduð. DNA prófa þarf undaneldisdýr fyrir Von Willebrands sjúkdómnum (VWD), type 2, og ræktunarbann er á hunda sem greinast með sjúkdóminn. *(2 og 5)

*Almenn skilyrði:

2. Sé annað ekki tekið fram, er lágmarksaldur hunda í mjaðma- og olnbogamyndatöku 12 mánuðir. Röntgenmyndir af mjöðmum og olnbogum hunda eru sendar til Noregs eða Svíþjóðar. Einnig er hægt að senda myndir til OFA í Bandaríkjunum til aflesturs, en þá verða hundarnir að hafa náð 2ja ára aldri. Fyrir þann aldur er aðeins um bráðabirgða niðurstöður að ræða sem ekki eru viðurkenndar. Varanlegt auðkenni myndaðara hunda skal staðfest af dýralækni/starfsmanni dýralæknastofu við myndatöku. Hundeigendur þurfa að senda niðurstöður til skrifstofu HRFÍ. Niðurstöður mjaðma- og olnbogamynda eru skráðar í ættbók.

Um öll hundakyn gildir að greinist hundur með alvarlegt mjaðma- eða olnbogalos, E (AD gráða 3), fást hvolpar undan honum ekki ættbókarfærðir. Séu hundar með mjaðmalos C eða D gráðun (AD gráðun 1 eða 2), mega þeir aðeins parast með hundum með A eða B gráðun (AD gráðun 0). Sækja má um undanþágu frá þessu til stjórnar HRFÍ vegna íslenska fjárhundsins, enda sé pörun kyninu til framdráttar.

5. Eftirfarandi gildir um undaneldisdýr og niðurstöður DNA prófa vegna sjúkdóma nema annað sé tekið fram um einstök hundakyn: Bera má einungis nota í ræktun á móti arfhreinum hundum. Sýktir hundar eru settir í ræktunarbann. Í þeim tilvikum þar sem báðir foreldrar eru með DNA niðurstöð fríir 2 (Normal/Clear; N/C), telst afkvæmi arfhreint fyrir þeirri gerð (Normal/Clear by Parentage; N/C/P). DNA prófa þarf næstu kynslóð á eftir.

Ársfundur Vorstehdeildar var haldinn í gær 2.6.2020
Þar heiðruðum við stigahæstu hunda ársins 2019.
Strýhærði Vorsteh rakkinn C.I.B. ISCh RW-18 GG SEF sigraði í Opnum flokki, Keppnis flokki og þar af leiðandi Over all. Eigendur voru ekki á staðnum en við óskum Rannveigu og Guðna innilega til hamingju með árangurinn 🙂
Í Unghundaflokk sigraði Strýhærða Vorsteh tíkin
Ice Artemis Dáð. Mjög lofandi tík og gaman að sjá unga hunda gera vel.
Við óskum Leifi Einari Einarssyni og fjölskyldu innilega til hamingju 🙂

Árfundur deildarinnar verður haldinn í Sólheimakoti þriðjudaginn 2. júní n.k. og hefst kl.20.00

Verkefnið eru hefðbundin ársfundarstörf.

• Farið yfir ársskýrslu stjórnar fyrir 2019
• Heiðrun stigahæstu hunda 2019
• Val í nefndir
• Kosið til stjórnar Vorstehdeildar. Tvö sæti eru laus til tveggja ára og eitt sæti til eins árs.
• Önnur mál.

Samkvæmt reglum um ræktunardeildir er stjórn skipuð 5 stjórnarmeðlimum. Að þessu sinni eru það sæti Guðmundar Péturssonar og Guðna Stefánssonar sem eru laus til tveggja ár. Sæti Díönu Sigurfinnsdóttur er laust til eins ár.

Við hvetjum ykkur kæru félagsmenn að gefa kost á ykkur til að starfa í stjórn og nefndum deildarinnar. Það er skemmtilegt að starfa í kringum áhugamálið, styrkur okkar er að sem flestir gefi kost á sér og að þáttakendur séu með mismunandi sýn og áhuga. Þá verður starfið fjölbreyttara og meiri líkur á að það falli að fjöldanum.

Ef það eru einhver sérstök mál sem þið viljið koma að á ársfundi til umræðu væri gott að senda erindi áður, það er ekki skylda en gefur færi á meiri umræðum.

Takið daginn frá og sjáumst hress.

Stjórn Vorstehdeildar

Við þurfum því miður að tilkynna að námskeiðið með Christine Due sem átti að vera um Hvítasunnuhelgina 29 maí – 1 júní er aflýst vegna takmörkunar á komu ferðamanna til landsins þ.e. að krafan um tveggja vikna sóttkví verður í gildi til 15.júní hér á landi. Við vonum að við getum fengið hana til landsins síðar á árinu.

Það er alltaf gaman þegar fluttir eru til landsins Vorsteh hundar til bæta flóruna okkar og ekki síst til að bæta stofninn þegar fram líður.

Á árinu 2019 komu tveir Vorsteh hundar til landsind, einn strýhærður og einn snögghærður. Legacyk Got Milk (Oreo) snögghærður Vorsteh var flutt inn af Arkenstone ræktunin sem eru þau Friðrik G. Friðriksson, Hilda Björk Friðriksdóttir og Anna María Gunnarsdóttir.

Strýhærða tíkin Gyvel (Dimma) var flutt inn af Ice Artemis Ræktun. Að baki Ice Artemis Ræktun er Lárus Eggertsson

Á árinu 2020 hafa komið tveir Vorsteh hundar til landsins, einn stýhærður og einn snögghærður.  Skåtfjellet DTL Leo er snögghærður sem fluttur var inn af Zeldu-ræktun en á bakvið Zeldu ræktun er Kjartan Antonsson, Eydís Gréta Guðbrandsdottir, Ottó Reimarsson og Fríða Björk Birgisdóttir. Leo er 7 mánaða gamall.

Á vegum Hlaðbrekkuræktunar koma stýhærða tíkin Sansas Bejla (Siva) til landsins í janúar og úr einagrun í febrúar, Siva er 4 ára gömul, á bakvið Hlaðbrekkuræktun eru Sigurður Arnet Vilhjálmsson og Guðni Stefánsson.

Í ljósi óvissuástands í íslensku samfélagi og heiminum öllum vegna Covid-19 veirunnar hefur sú ákvörðun verið tekin að aflýsa prófi deildarinnar sem til stóð að halda 4.-5. apríl. Stjórn þykir óforsvaranlegt að bjóða Kjetil Kristiansen til landsins í ljósi frétta af aðgerðum stjórnvalda í Noregi

Vorstehdeild fylgir fordæmi HRFÍ sem hefur bæði lokað skrifstofu og frestað ræktunarnámskeiði sem til stóð að halda næstkomandi helgi.
Eins er horft til þess að Norðmenn hafa frestað eða aflýst öllum sínum prófum um óákveðinn tíma.

Stjórn þykir sérlega miður að aflýsa prófi en telur þá aðgerð vera þá réttu í ljósi aðstæðna og vonar að félagsmenn sýni því skilning.

Alþjóðleg Norðurljósasýning HRFÍ var þessa helgina og var það
Levente Miklos frá Ungverjalandi sem dæmdi Vorsteh tegundirnar. Vorsteh átti glæsilega helgi og voru áberandi í úrslitahringnum þessa helgina. Við óskum öllum Innilega til hamingju.

Snögghærður Vorsteh

BOB: C.I.B. ISCh RW-17-18 NORDICCH Veiðimela Jökull og BIG-2

BOS: ISJCH Zeldu BST Nikíta

Besti ungliði: ISJCH Legacyk Got Milk

Besti hvolpur 4-6 mánaða: Ísþoku Úlfur. Sem einnig varð Best Baby-1 þann daginn.

Besti hvolpur 6-9 mánaða: Veiðimela Bjn Frosti. Sem einnig varð Best Puppy-3 þann daginn.

Strýhærður Vorsteh

BOB: Sansas Bejla

BOS: Ice Artemis Spori

Besti ungliði: ISJCH Hlaðbrekku Grýla. Sem einnig varð BIS-Junior

Umsagnir og einkunnir má sjá hér:
https://www.hundeweb.dk/udstilling-resultat/udstilling/200261?session_locale=en_GB

Það er okkur sönn ánægja að tilkynna að Christine Due mun koma til okkar í maí. Þriggja daga námskeið verður haldið um Hvítasunnuhelgina, 30. maí – 1.júní. Breytingin er sú að nú er námskeiðið í þrjá daga en ekki tvo eins og síðast. Eins og fyrr verður boðið upp á unghundaflokk og opin flokk (hundar eldri en 2ja ára). Kostnaður er ekki orðinn staðfestur en verður um 15.000 – 20.000. Það eru örfá laus pláss efitr. Þeir sem vilja tryggja sér pláss er bent á að senda póst á netfangið vorsteh@vorsteh.is