Rjúpnaveiðin að byrja og vill hvetja veiðimenn að veiða hóflega og huga að gæðum veiðanna.
Það er fátt skemmtilegra en að eiga góð móment með hundi sínum og öðrum veiðifélögum.
–
Viljum við einnig biðja veiðimenn að skoða veðurspá vel áður en farið er til fjalla á veiðar.
—
„Texti fengin úr tölvupósti sem umhverfisstofnun sendi veiðimönnum“
Fyrirkomulag rjúpnaveiða 2013
Á þessu ári er heimilt að veiða fjórar þriggja daga helgar.
Föstudaginn 25. október, laugardaginn 26. október og sunnudaginn 27. október,
Föstudaginn 1. nóvember, laugardaginn 2. nóvember og sunnudaginn 3. nóvember,
Föstudaginn 8. nóvember, laugardaginn 9. nóvember og sunnudaginn 10. nóvember,
Föstudaginn 15. nóvember, laugardaginn 16. nóvember og sunnudaginn 17. nóvember.
–
–
Öryggi á veiðislóð
Það sem af er hefur vetur verið mildur en veiðimenn eru minntir á að útbúa sig vel fyrir veiðarnar og huga að öryggisþáttum. Gott er að hafa eftirfarandi lykilatriði í huga:
– Gera ferðaáætlun og láta vita af henni.
– Kanna veðurspá. Sé spáin slæm er betur setið heima.
– Huga vel að viðeigandi klæðnaði.
– Huga vel að útbúnaði og nesti.
– Huga vel að veiðifélögum þegar skotið er á bráð.
Ferðaáætlun sem einhver heima og veiðifélagar vita af er lykilatriði fyrir öryggi á veiðislóð. Ef slys ber að höndum á rjúpnaveiðum er mikilvægt að einhver viti af ferðaáætlun veiðimanns. Ekki er hægt að ganga að því vísu að farsímar virki þegar upp á fjöll er komið þar sem rafhlöður endast ekki vel í kulda og snjallsímar eru viðkvæmir fyrir raka. GPS–tæki nota sömuleiðis rafhlöður sem hafa þarf í huga að dugi þegar á þarf að halda. Áttaviti og kort eru sömuleiðis nauðsyn þó GPS–tæki sé með í för. Raflöður eiga til að klárast á ögurstundu en hefðbundinn áttaviti virkar alltaf. Mikilvægt er að kunna að nota þessi öryggistæki þegar á þarf að halda. Þegar gengið er af stað til veiða er mikilvægt að taka staðsetningarpunkt hjá bílnum eða þeim stað sem ætlunin er að fara til baka á að lokinni veiði og hafa ber í huga að hætta veiðum og halda tímanlega til byggða áður en skyggja tekur.
Að lokum minnum við á að ýmsar gagnlegar upplýsingar fyrir útivistarfólk og veiðimenn er að finna á vefnum safetravel.is.
Gangi ykkur vel.
Kveðja Vorstehdeild
