Töfra Hekla
Vegna álags á skrifstofu HRFÍ í kringum alþjóðlegu hundasýninguna hefur skráningarfrestur á veiðipróf Fuglahundadeildar verið færður til þriðjudagsins 29. janúar. Prófið sjálft er haldið 2. febrúar og prófað verður í unghunda og opnum flokki. Dómarar eru Egill Bergmann og Pétur Alan Guðmundsson. Prófstjóri er Þorsteinn Friðriksson. Hægt er að skrá með því að senda tölvupóst á hrfi@hrfi.is eða símleiðis á opnunartíma skrifstofu HRFÍ.
Vegna athugasemda vegna öryggi kreditkorta hefur félagið ákveðið að taka á móti skráningum í gegnum síma þar sem félagsmenn geta greitt með kreditkorti (kortanúmer, gildistími og öryggisnúmer þarf að fylgja skráningu).
Félagsmönnum býðst einnig, á eigin ábyrgð, að senda skráningu á sýningu í gegnum tölvupóst með nafni hunds í ættbók og ættbókanúmeri (kortanúmer, gildistími og öryggisnúmer þarf að fylgja skráningu svo skráning sé tekin gild). Ekki er tekið við greiðslu í gegnum heimabanka.
Einnig er eins og áður hægt að skrá hunda á sýninguna á skrifstofu félagsins að Síðumúla 15 á opnunartíma skrifstofu.
Sjá einnig á www.fuglahundadeild.is
Kveðja Vorstehdeild
