Æfingaganga Vorstehdeildar.

Vorsteh deild stendur fyrir sameiginlegri æfingagöngu á heiðinni á morgun sunnudag. Mæting er við Sólheimakots afleggjarann kl 10:00 en þaðan verður svo haldið á heiðina.

Einar Páll  Garðarsson kemur til með að leiða gönguna og minnum við fólk á að mæta vel klætt, eða í regnfatnaði þar sem spáð er skúrum eða rigningu.

Nánari upplýsingar gefur Einar Páll í síma 894-4047

Kveðja.

Göngunefnd.

Deildarfundur Vorstehdeildar

Mjög góð mæting var á deildarfund Vorstehdeildar sem haldinn var í húsakynnum HRFI og gaman var að sjá ný andlit.

Vorstehdeild kynnti meðal annars fyrst fuglahundadeilda ræktunarstefnu deildarinnar, þar sem got eru flokkuð í A,B,C og D got. Er þetta fyrsta skref deildarinnar þar sem áhugafólk um Vorsteh geta kynnt sér og séð hvað er á bak við ræktanir meðlima deildarinnar.

Góð og skemmtileg umræða var um málið þar sem skipst var á skoðunum þar sem ekki voru allir á eitt sáttir með B flokkinn. Formaður bar upp breytingartillögu sem var samþykkt og mun taflan koma hér inn á síðuna mjög fljótlega. En almennt var tekið mjög vel í þetta framtak Vorstehdeildar og talin þörf á.

Vetrarstarf deildarinnar og veiðipróf sem deildin hefur sótt um á árinu var einnig kynnt. Vorstehdeild verður með æfingagöngur á sunnudögum fram á vor þar sem þaulvanir menn í fuglahundasportinu miðla af reynslu sinni.

Þess má einnig geta að FHD stendur fyrir æfingagöngum á laugardögum og ættu því flestir sem vilja æfa í hóp að komast annan hvort daginn, eða báða.

Að sjálfsögðu eru allar tegundir fuglahunda velkomnar og Vorstehdeild minnir á að allir eru velkomnir, það getur líka verið tilvalið fyrir alla fjölskylduna að mæta og taka góða æfingu á heiðinni, fuglahunda sportið getur verið mjög fjölskylduvænt sport. Einnig eru æfingagöngur upplagðar fyrir áhugasama til að kynna sér sportið til hlýtar.

Gunnar og Keli komu með uppástungu um að halda einu sinni í mánuði æfingagöngu suður með sjó þar sem þeir ætla að taka á móti fólki og leiða gönguna(Keflavíkur svæðinu) og var vel tekið í það og munum við sérstaklega tilkynna það hér á síðunni.

Minnum á að fylgjast með hér á síðunni seinnipartinn á laugardögum þar sem æfingar geta fallið niður vegna veður.

Lesið var upp bréf frá tengilið Gordon Setter hunda þess efnis að eigendur Gordon Seta óskuðu eftir að ganga í Vorstehdeild.

Það er nokkuð ljóst að nokkrar ræktanir munu líta dagsins ljós á þessu ári ef allt gengur upp. Þegar er búið að staðfesta í það minnsta þrjár paranir sem áætlaðar eru. Ef allt gengur upp þá er nokkuð ljóst að Vorsteh stofninn á Íslandi mun stækka um nokkuð mörg prósent.

Vorstehdeild á von á kynningu frá tveimur ræktendum fljótlega ef allt gengur upp og verða þau got kynnt hér á síðuni fyrir áhugasama.

Sjáumst á heiðinni.

Kveðja.
Stjórnin

Deildarfundur

Dagskrá.

Stjórn Vorstehdeildar ætlar meðal annars að kynna metnaðarfulla ræktunarstefnu deildarinnar, kynna vetrardagskrá og veiðipróf sem deildin hefur sótt um að halda á árinu.
Kynna bréf sem stjórn Vorstehdeildar barst frá tengilið Gordon Setter á Íslandi.

Að lokum munum við sýna nýútkominn Norskan veiðidisk (fyrir þá sem hafa tíma) sem tekin var upp að stórum hluta á Íslandi, þar sem Gordon Setar og Vorsteh eru í aðalhlutverkum.

Það er óhætt að segja að þar er á ferðinni frábær veiðidiskur sem sýnir veiðar með hundum við Íslenskar aðstæður.

Frábær veiðimóment eru á þessum disk þar sem tónlist og veiðimóment magna hvort annað upp. Það eru veiðimennirnir Bjornar Boeng og Arild Dalh sem eru skytturnar á disknum.

Hvetjum allt áhugafólk um Vorsteh að mæta, allir velkomnir.

Minnum svo að lokum á sýningu HRFI í febrúar en skráningarfrestur rennur út föstudaginn 29. Janúar. Þetta er alþjóðleg sýning þar sem möguleiki er að ná alþjóðlegu meistarastigi.

Kv. Stjórnin

Nú árið er liðið...

Jæja, þá er hið stórskemmtilega fuglahundaár 2009 að baki. Óhætt er að segja að eigendur Vorsteh hunda höfðu í nóg að snúast með hunda sína á sýningum, heiðagöngum, veiðiprófum, og alhliðaprófunum. Á síðasta ári voru settar nýjar reglur í stigakeppni Vorsteh og síðan hefur verið mjög spennandi að fylgjast með stigahæsta hundi hverju sinni.

Í opnum flokki var það Esjugrundar Spyrna sem bar sigur úr býtum með alls 20 stig. Næstur á hæla hennar kom bróðir hennar Esjugrundar Stígur með 12 stig. Glæsilegur árangur hjá þeim Esjugrundar hundum! Eigandi Spyrnu og ræktandi er Svafar Ragnarsson.

Sú sem bestum árangri náði í unghundaflokki var strýhærða tíkin Yrja. Hún fékk alls 18 stig og næstur á eftir henni kom bróðir hennar Nói með 14 stig. Yrja stóð sig ekki einungis vel í unghundaflokki því á haustmánuðum fór hún í opin flokk og landaði þar 7 stigum alls. Það var þriðji besti árangur í opnum flokki. Sem sagt frábært ár hjá Yrju og eiganda hennar Lárusi Eggertssyni.

Deildin óskar þeim Svafari og Lárusi hjartanlega til hamingju með frábæran árangur á árinu 2009. Samkvæmt venju verða eigendur stigahæstu hunda veittar viðurkenningar á aðalfundi deildarinnar.